إزاي تعمل بروفايل LinkedIn قوي يجيبلك عروض شغل

أغلب مسؤولي التوظيف بيدوّروا على المرشحين في LinkedIn، وكتير منهم بيفتح بروفايلك قبل ما يكلمك. بروفايل كويس ممكن يجيبلك عروض من غير ما تقدم أصلًا.

1. صورة احترافية وخلفية

صورة لوشّك بوضوح، بخلفية بسيطة ولبس مناسب، وابتسامة. البروفايلات اللي فيها صورة بتتشاف أكتر بكتير. وحط صورة خلفية (Banner) ليها علاقة بمجالك.

2. الـHeadline: أهم سطر

ماتكتبش "Student" أو "Looking for a job" بس. اكتب مسماك ومجالك وكلمات مفتاحية:

3. قسم About

3–5 سطور بصيغة المتكلم: انت مين، وبتعمل إيه كويس، وأهم إنجاز، وبتدوّر على إيه. ممكن تبدأ من النبذة (Summary) اللي في الـCV وتخليها أكثر شخصية.

4. الخبرات والتعليم

انقل خبراتك من الـCV بنفس الإنجازات والأرقام. ضيف التدريب والتطوع كمان. وخلي التواريخ والمسميات زي الـCV بالظبط، عشان الـHR بيقارن.

5. المهارات والتوصيات

ضيف لحد 50 مهارة، وخلي أهم 3 مثبتين فوق. واطلب من زمايلك أو مديرك السابق توصية (Recommendation)، دي بتفرق جدًا.

6. فعّل Open to Work

من البروفايل اختار Open to work وحدد المسميات والمدن. تقدر تخليها ظاهرة للـRecruiters بس، من غير ما مديرك الحالي يعرف.

7. خلّي اللينك باسمك

غيّر لينك البروفايل من الإعدادات لحاجة زي linkedin.com/in/ahmed-hassan، وحطه في الـCV.

8. خليك نشيط

ابعت Connect لناس في مجالك وللـHR في الشركات اللي بتحبها، واعمل تعليقات مفيدة، وانشر مرة كل فترة عن حاجة اتعلمتها أو شهادة خدتها.